രചന: ഓ എന്‍ വി
സംഗീതം: എം ബി ശ്രീനിവാസന്‍
പാടിയത്: ചിത്ര
ചിത്രം: മണിവത്തൂരിലെ ആയിരം ശിവരാത്രികള്‍
നെറ്റിയില്‍ പൂവുള്ള സ്വര്‍ണ്ണച്ചിറകുള്ള പക്ഷീ
നീ പാടാത്തതെന്തേ
ഏതു പൂമേട്ടിലോ മേടയിലോ നിന്റെ
തേന്‍‌കുടം വെച്ചു മറന്നൂ.. പാട്ടിന്റെ
തേന്‍‌കുടം വെച്ചു മറന്നൂ
നെറ്റിയില്‍ പൂവുള്ള സ്വര്‍ണ്ണച്ചിറകുള്ള പക്ഷീ
നീ പാടാത്തതെന്തേ....
താമരപ്പൂമൊട്ടുപോലെ നിന്റെ ഓമല്‍ക്കുരുന്നുടല്‍ കണ്ടൂ
ഗോമേദകത്തിന്‍ മണികള്‍‌പോലെ ആ മലര്‍ക്കണ്ണുകള്‍ കണ്ടൂ
പിന്നെയാ കണ്‍കളില്‍ കണ്ടൂ നിന്റെ തേന്‍‌കുടം പൊയ്പ്പോയ ദുഃഖം
നെറ്റിയില്‍ പൂവുള്ള സ്വര്‍ണ്ണച്ചിറകുള്ള പക്ഷീ
നീ പാടാത്തതെന്തേ...
തൂവല്‍ത്തിരികള്‍ വിടര്‍ത്തി നിന്റെ പൂവല്‍ച്ചിറകുകള്‍ വീശി
താണു പറന്നു പറന്നു വരൂ എന്റെ പാ‍ണിതലത്തിലിരിക്കൂ
എന്നും നിനക്കുള്ളതല്ലേ എന്റെ നെഞ്ചിലെ പാട്ടിന്റെ പാല്‍ക്കിണ്ണം
എന്റെ നെഞ്ചിലെ പാട്ടിന്റെ പാല്‍ക്കിണ്ണം....
പക്ഷീ.... നെറ്റിയില്‍ പൂവുള്ള സ്വര്‍ണ്ണച്ചിറകുള്ള പക്ഷീ...
നീ പാടാത്തതെന്തേ.............
No comments:
Post a Comment