Monday, February 21, 2011

ഒരു കൊച്ചു ചുംബന...




രചന: ശ്രീകുമാരന്‍ തമ്പി 
സംഗീതം: രവീന്ദ്രന്‍ 
പാടിയത്: യേശുദാസ്‌ 
ആല്‍ബം: ഉത്സവഗാനങ്ങള്‍ 

 ഒരു കൊച്ചു ചുംബനത്തിന്‍ മണിപുഷ്പപേടകത്തില്‍
ഒരു പ്രേമവസന്തം നീയൊതുക്കിയല്ലോ
അതിനുള്ളില്‍ തുളുമ്പിയ മകരന്ദകണങ്ങളില്‍
അഭിലാഷസാഗരങ്ങള്‍ തുളുമ്പിയല്ലോ

ഒരു വിരല്‍ത്തുമ്പുകൊണ്ടെന്‍ സിരകളിലനുഭൂതി
ത്തിരമാലയൊഴുക്കുവാന്‍ കഴിയുവോളേ
ഒരു കളിവാക്കുകൊണ്ടെന്നനുരാഗ ചിന്തകളില്‍
സ്വരരാഗഗംഗയായിപ്പൊഴിയുവോളേ

തരളമാം നിന്‍ മിഴിതന്‍ മൃദുലമാം മര്‍ദ്ദനത്തില്‍
തകരുന്നു ഞാന്‍ പഠിച്ച തത്ത്വചിന്തകള്‍
പുനര്‍ജ്ജന്മമെന്ന സത്യമുണര്‍ത്തിയ ചിന്തകന്റെ
പുണ്യപാദപുഷ്പങ്ങളെ വണങ്ങുന്നു ഞാന്‍




No comments:

Post a Comment