രചന: പൂവച്ചല് ഖാദര്
സംഗീതം: എം ജി രാധാകൃഷ്ണന്
പാടിയത്: എസ് ജാനകി
ചിത്രം: ചാമരം
നാഥാ നീ വരും കാലൊച്ച കേള്ക്കുവാന്
കാതോര്ത്തു ഞാനിരുന്നൂ
താവകവീഥിയില് എന്മിഴിപ്പക്ഷികള്
തൂവല് വിരിച്ചു നിന്നൂ
നേരിയമഞ്ഞിന്റെ ചുംബനം കൊണ്ടൊരു
പൂവിന് കവിള്തുടുത്തൂ (നേരിയ....)
കാണുന്ന നേരത്തു മിണ്ടാത്തമോഹങ്ങള്
ചാമരം വീശിനിന്നൂ
ഈയിളം കാറ്റിന്റെ ഈറനണിയുമ്പോള്
എന്തേ മനം തുടിക്കാന്?
കാണാതെ വന്നിപ്പോള് ചാരത്തണയുകില്
ഞാനെന്തു പറയാന്?
എന്തുപറഞ്ഞടുക്കാന്.....
No comments:
Post a Comment