രചന: അജിത്‌ നായര്‍
സംഗീതം: റെജി വയനാട്‌
പാടിയത്: ചിത്ര
ചിത്രം: നിലാവ്
രാവില്‍ നിലാ മഴക്കീഴില്‍
ഏതോ നിലാക്കിളിക്കൂട്ടില്‍ .
അറിയാതെ ചുണ്ടില്‍ പടര്‍ന്നോരീ മഞ്ഞും
പകരാത്ത ചുംബനമായിരുന്നു
നോവറിഞ്ഞു മാറി നിന്ന രാവില്‍
മോഹമെന്നു കാതില്‍ മൂളി നീയും
മധു നുകര്‍ന്ന പൂവിലെ നനവറിഞ്ഞ പൂവിതള്‍
മറവി നെയ്ത നൂലിഴതന്‍ ഇരുള്‍ക്കൂട്ടിലായി ..
വിടരാത്ത ചെമ്പകമായി പൊഴിഞ്ഞു വീണു ...
നോവുറഞ്ഞ രാത്രി മാറി നാളെ
ഓണമെന്നു കാതില്‍ മൂളി മേഘം
പോയ് മറഞ്ഞൊരോര്‍മ്മയിലെ ഓണത്തുമ്പിയോ
പൂവിളിക്ക് കൂട്ടിരുന്ന ബാല്യ കാലമോ
ഇടനെഞ്ചിലെ നേര്‍ത്തൊരീണമോ ?
No comments:
Post a Comment